«Երկիր մեդիա» հեռուստաընկերության միջազգային բաժնի լրագրող-մեկնաբան
Վ․Բրյուսովի անվան պետական համալսարանի լրագրության բաժինն ունի մեծ առավելություն՝ լրագրություն մասնագիտությանը զուգահեռ օտար լեզուների խորացված ուսուցում։ Այսօր ավելի մեծ պահանջարկ ունեն հենց օտար լեզուների տիրապետող լրագրողները։
4-րդ կուրսում պետք է մասնագիտական պրակտիկա անցնեինք այն լրատվամիջոցներից մեկում, որոնց հետ համալսարանը պայմանավորվածություն ուներ։ Դասախոսներիս խորհրդով ընտրեցի «Երկիր մեդիա» հեռուստաընկերությունը։ Պրակտիկայի ավարտից հետո արդեն աշխատանքի առաջարկ ստացա։
Լրագություն ուսանողները պետք է պրպտող լինեն, շատ կարդան, հետևեն իրադարձություններին, լինեն շատ տեղեկացված։ Սա այն մասնագիտությունն է, որը համախմբում է, կարելի է, ասել բոլոր մասնագիտությունները։ Հատկապես միջազգային լրագրողները պետք է գաղափար ունենան տարբեր ոլորտներից։ Դժվարություններ էլ շատ կլինեն։ Կարևոր է շուտ չհիասթավել։ Քրտնաջան աշխատանքը կտա իր արդյունքները։