Հրատարակվել է «Հայաստանի Պատմություն» գրքաշարի երրորդ հատորը

Լույս տեսավ «Հայաստանի պատմություն» գրքաշարի Գ հատորը՝ «Արծկե»-ն: 36-հատորյա գրքաշարից արդեն լույս տեսած հատորներն են «Հայոց Ձորը» և «Սալմաստը»:

Գրքի հեղինակ Հայկական ճարտարապետությունն ուսումնասիրող հիմնադրամի երևանյան գրասենյակի նախագահ, հուշարձանագետ Սամվել Կարապետյանը մարտի 14-ին «Անդրադարձ» մամուլի ակումբում տված ասուլիսի ժամանակ ասաց.

«Մեր հիմնադրամը տարբեր նախագծերի վրա է աշխատում, բայց մեր «գործերի գործը» Հայաստանի պատմության գրքաշարն է, որի հիմքը դրվել է առաջին հատորով՝ 2015 թվականին»:

Գործի դանդաղելը կապված է միայն հովանավոր չունենալու հետ: Եվ Սամվել Կարապետյանը բացատրեց, որ գրքաշարի մյուս գրքերն էլ պատրաստ կլինեն հովանավորություն ստանալուց 3-4 ամիսների ընթացքում:

Հրատարակված երեք հատորներից միայն «Արծկեն» է պետպատվերով: «Գրքերի էլեկտրոնային տարբերակներն էլ ենք պատրաստում, շուտով այն էլ կշրջանառենք: Միայն 1000 օրինակ տպված գիրքը քիչ է»:

Հատորյակի խորագիրն է «Հայրենիքը գավառ առ գավառ և գյուղ առ գյուղ»: «Արծկե գավառի բոլոր գյուղերը ներկայացված են: Դրանց մի մասը այժմ հայաբնակ են, իսկ մյուս մասը թուրքաբնակ ու քրդաբնակ: Ամեն ինչ չէ որ ներկայացված է, քանի որ ցեղասպանությունից 100 տարի անց մեզ միայն փշրանքներ են մնացել»:

Շուշաննա Խաչատրյան, 4-րդ կուրս

Ամբողջական հոդվածը կարող եք կարդալ այս հասցեով՝ http://www.aravot.am/2018/03/14/942676/